قاراباغ
خیال چکیر منی قانلی چوللره * نه چوللر ، داشلاردا بویانیب قانا
بو قان آخیدماغین ، بو قان توکمه گین * بیلمیرم حاصیلی نه دیر اینسانا
یوخ-یوخ اینسان دئمه ، اینسان قان ایچمز * حیوان فیطرتلی یارانیب اونلار
اونلار شر قالدیریب آخیدماقلا قان * چوللره سئل کیمی آخیر بو قانلار
او زاد کی اونلاردا یوخدور شرفدیر * اوزاد کی اونلاردا یوخدور ، صداقت
صورتده اینسان لار ، سیرتده شیطان * قویمازلار اینسانی یاشسین راحت
بویوک شیطان لارین حیله سین یئیه ن * بیلمیرم بس هاچان آییلاجاقدیر
هاچان پئشمان اولوب اور عملیندن * اینسان خیصتلتلی سلییلاجاقدیر
قوجا قادین لارین دریسین سویان * معصوم اوشاغیندا چیخاردار گوزون
دئمیرم ایفتیرا ، تهمت یاخمیرام * داغلیق قارا باغدان خبر آل اوزون
10/4/1371
اوستا عباس بارز
قایناق : یاسلی ساوالان
هیچ نظری موجود نیست:
ارسال یک نظر